கேபி சித்திரவதை செய்யப்படவில்லை. இராணுவப் பேச்சாளர்.

இலங்கை அரச புலனாய்வுப் பிரிவினரால் கைதுசெய்யப்பட்டு விசாரணைக்கு உட்படுத்தப்பட்டு வரும் கே.பி எனப்படும் குமரன் பத்மநாதனிடம் தகவல்களைப் பெற்றுக் கொள்வதற்காக அவர் சித்திரவதைகளுக்கு உட்படுத்தப்பட்டு வருவதாக இணையத்தளங்கள் செய்தி வெளியிட்டு இருந்தது. இச்செய்தியை மறுதலித்துள்ள இராணுவப் பேச்சாளர் பிரிகேடியர் உதய நாணயக்கார கேபி எவ்வித துன்புறத்தலுக்கும் உட்படுத்தப்படவில்லை என்பதுடன் இச்செய்தியை வெளியிட்டிருந்த புலிகள் சார்பான இணையத்தளங்கள் குறிப்பிட்டுள்ளது போல் கேபி பனாகொட இராணுவத் தளத்தில் வைத்திருக்கப்படவில்லை எனவும் தெரிவித்துள்ளார்.