தவறிழைக்கும் பொலிஸ் அதிகாரிகளுக்கெதிராக கடும் நடவடிக்கை. -பொலிஸ் மா அதிபர்-

புதிய பொலிஸ் மா அதிபராக கடமையேற்று முதன் முறையாக ஊடகவியலாளர்களுடன் பேசிய பொலிஸ் மா அதிபர் மஹிந்த பாலசூரியா பொலிஸ் திணைக்களத்தை மக்களுக்கு பரிட்சயமானதாக மாற்றி அமைக்க தான் எண்ணம் கொண்டுள்ளதாகவும், தவறிழைக்கும் பொலிஸாருக்கு எதிராக கடுமையான ஒழுக்காற்று நடவடிக்கைகள் எடுக்கப்படும் எனவும் தெரிவித்துள்ளார்.

இதன் பொருட்டு வாரத்தில் ஒருமுறை தான் பொதுமக்களைச் சந்திக்கவுள்ள அதே நேரம் பொலிஸ் திணைக்களத்தின் இளநிலை அதிகாரிகளையும் அதிகம் சந்திக்கவுள்ளதாகவும் தெரிவித்துள்ளார்.

கடந்த சில தினங்களுக்கு முன்னர் மனநோயாளியான இளைஞன் ஒருவனை கடலினுள் மூழ்கடித்து கொலை செய்த சம்பவத்துடன் தொடர்புபட்ட பொலிஸ் உத்தியோகித்தர்கள் இருவருக்கு எதிராக கடும் நடவடிக்கை எடுக்கும் பொருட்டு அவர்கள் விளக்க மறியலில் வைக்கப்பட்டுள்ளதுடன் சட்ட மா அதிபர் திணைக்களத்தின் உதவியையும் நாடியுள்ளதாகவும், பம்பலப்பிட்டி பொலிஸ் நிலையத்தில் சம்பவநேரம் கடமையில் இருந்த பொலிஸ் நிலைய பொறுப்பதிகாரி உட்பட பல உத்தியோகித்தர்கள் இடம்மாற்றப்பட்டுள்ளதாகவும் கூறியுள்ளார்.