நோர்வே நிறுவனம் ஒன்றுக்கு இலங்கையில் பழ உற்பத்திக்கு அனுமதி.

நோர்வேயை சேர்ந்த Pure Nature Limited எனும் நிறுவனம் இலங்கையில் பயிர்ச் செய்கையில் ஈடுபடுவதற்கு இலங்கை முதலீட்டுச் சபை அனுமதி வழங்கியுள்ளது. இந்நிறுவனம் நவீன உபகரணங்களின் உதவியுடன் மொனறாகல காவம்பிட்டிய பிரதேசத்தில் தனது வேலைத் திட்டத்தை ஆரம்பித்துள்ளது.

75 மில்லியன் ரூபாவை முதலீடு செய்து ஆரம்பிக்கப்பட்டுள்ள இவ் வேலைத் திட்டத்தினூடாக 200 பேருக்கு வேலைவாய்ப்பு கிடைக்கவுள்ளது. இந்நிறுவனம் பழ உற்பத்தியை முதற்கட்டமாக ஆரம்பித்துள்ளது.

அத்துடன் குறிப்பிட்ட நிறுவனம் அதன் முதலீட்டை 200 மில்லியனாக அதிகரிக்கவுள்ளதாகவும், அதன்போது 1000 பேர் வேலைவாய்ப்பை பெறுவர் எனவும் நிறுவனத்தின் அதிகாரி ஒருவர் தெரிவித்துள்ளார்.