பதாளஉலக் குழுத் தலைவர் சுட்டுக்கொலை.

இரட்டைகொலை ஒன்று தொடர்பாக பொலிஸ் தடுப்புக்காவலில் இருந்த பிரபல பாதாளக் குழுவொன்றின் தலைவர் ஒருவர் குருநாகல் பொலிஸாரினால் சுட்டுக்கொலை செய்யப்பட்டுள்ளார். குறிப்பிட்ட கொலையுடன் தொடர்புடைய சந்தேக நபர்களை இனம் காணும் பொருட்டு சந்தேக நபர் பொலிஸ் வண்டியில் எடுத்துச் செல்லப்பட்டபோது, அவர் தனது கையில் மாட்டியிருந்த விலங்கினால் வாகனச் சாரதியை தாக்க முற்படுகையில் பொலிஸார் அவரை சுட்டுக்கொன்றதாக பொலிஸ் பேச்சாளர் தெரிவித்துள்ளார்.

சந்தேக நபர் 25 கொலைச் சம்பவங்கள் மற்றும் பல பாரிய குற்றங்கள் தொடர்பாக தேடப்பட்டு வந்தவர் எனவும் அவரது தாக்குதலில் வெல்லேவ பொலிஸ் நிலைய பொறுப்பதிகாரி டயஸ் மற்றும் பொலிஸ் பரிசோதகர் தர்மசிறி ஆகியோர் காயமடைந்துள்ளதாகவும் தெரியவருகின்றது.