லசந்த கொலைவழக்கின் தகவல்களை பெற்றுக் கொள்ள முடியவில்ல : நீதிமன்றில் பொலிஸார்

லசந்த கொலைவழக்கு தொடர்பாக கல்கிஸை நீதிமன்றில் அறிக்கை ஒன்றை சமர்ப்பித்த பொலிஸார், கொலைசெய்யப்பட்ட பத்திரிகையாளர் லசந்த விக்கிரமதுங்கவின் தொலைபேசியை வைத்திருந்தாக கைது செய்யப்பட்டு விளக்க மறியலில் வைக்கப்பட்டுள்ள சந்தேக நபரிடம் இருந்து எவ்வித தகவல்களையும் பெற்றுக்கொள்ள முடியவில்லை என மன்றுக்கு தெரிவித்தனர்.

24ம் முறையாக வழக்கு அழைக்கப்பட்டபோது மன்றில் ஆஜராகியிருந்த மிரிகானை பொலிஸின் விசேட விசாரணைப் பிரிவினர் தொடர்ந்தும் விசாரணைகளை மேற்கொள்ள கால அவகாசம் வேண்டினர். எதிர்வரும் 26ம் திகதி மன்றுக்கு இறுதி அறிக்கை சமர்ப்பிக்கப்படவேண்டும் என உத்தரவிட்ட பிரதான மஜிஸ்ரேட் ஹர்ஷா செத்துங்க விளக்க மறியலில் வைக்கப்பட்டுள்ள சந்தேக நபரான சுகத் பெரேராவை தொடர்ந்தும் தடுத்து வைக்க உத்தரவிட்டனர்.