‘புலிகள் மீள தலையெடுப்பதைத் தடுக்க சர். வலையமைப்பை சிதறடிக்க வேண்டும்’

பொருளாதாரம், சமூக, கலாசார விழுமியங்கள் போன்றவற்றில் இழந்த வாய்ப்புகளை மீளப் பெறுவதற்கான சூழலைத் தோற்றுவிப்பதன் மூலமே, புலிகளுக்கு எதிரான போராட்டத்தின் முழுமையான வெற்றியை அடைய முடியுமென பாதுகாப்புச் செயலாளர் கோத்தாபய ராஜபக்ஷ தெரிவித்தார்.

புலிகள் இராணுவ ரீதியாகத் தோற்கடிக்கப்பட்டிருந்தாலும், சர்வதேச ரீதியாக அவர்களுக்கு ஆதரவான பாரிய வலையமைப்பு உள்ளது. புலிகள் மீளத் தலையெடுப்பதைத் தடுக்க வேண்டுமாயின் இந்த சர்வதேச வலையமைப்பையும் சிதறடிக்க வேண்டுமென்றும் பாதுகாப்புச் செயலாளர் கூறினார்.

கொழும்பு ஆனந்தாக் கல்லூரியின் ஸ்தாபகர் கேர்ணல் ஹென்றி ஸ்ரீல் ஒல்கட் நினைவுச் சொற்பொழிவாற்று கையிலேயே பாதுகாப்புச் செயலா ளர் மேற்கண்டவாறு கூறினார்.

கொழும்பு ஆனந்தா கல்லூரியின் அரங்கில் நேற்று மாலை நடை பெற்ற நிகழ்வில் பாதுகாப்புச் செய லாளர் மேலும் உரையாற்றுகையில்,

இதுவரை நாங்கள் அடைந்த வீழ்ச்சிக்குக் காரணமான அதீத அனுகூல சிந்தனைப் பொறிக்குள் விழாமலும், குறுகிய பகைமையைப் பாராட்டாமலும், முரண்பாட்டு அரசியலில் ஈடுபடாமலும் ஒரே தேசமாக ஒன்றிணைந்து சிறந்த எதிர்கால த்தைக் கட்டியெழுப்ப வேண்டும்.

இலங்கையை சகல விதமான எதிர்கால அச்சுறுத்தல்களிலிருந்தும் விடுவிக்கப்பட்ட ஒரு நாடாக உறுதிப்படுத்துவதே எமக்குள்ள சவால்களாகும்.

இனங்களுக்கிடையே நல்லிணக்கத்தை ஏற்படுத்துவதற்காக, பயங்கரவாத அழிவின் மூலம் கிடைத்த வாய்ப்பினை நாம் பயன்படுத்த வேண்டும்.

மக்களின் வாழ்வாதாரத்தை மேம் படுத்துவதற்கேற்ற பொருளாதார மறுமலர்ச்சியை ஏற்படுத்த வேண் டும்.

நாட்டில் பிரிவினைவாதத்தை முற்றாக இல்லாதொழிப்பதே ஜனாதிபதியினதும், அரசாங்கத்தினதும் முக்கிய சவாலாக உள்ளது என்றும் பாதுகாப்புச் செயலாளர் கூறினார்.