மத்திய வங்கி குண்டு வெடிப்பில் 200 வருட சிறைத்தண்டனை வழங்கப்பட்ட நபர் கைது

மத்திய வங்கி குண்டுவவெடிப்புடன் சம்பந்தப்பட்டிருந்த பிரதான சந்தேச நபர்களில் ஒருவரான 200 வருட சிறைத்தண்டனை வழங்கப்பட்டுள்ள செல்லத்தம்பி நவரத்தினம் என்பவர் செட்டிக்குளம் பிரதேசத்தில் வைத்து கைதுசெய்யப்பட்டுள்ளார். 1996 ம் ஆண்டு மத்திய வங்கி மீது மேற்கொள்ளப்பட்ட தாக்குதல் தொடர்பான வழக்கில் இவர் வவுனியாவில் இருந்து கொழும்புக்கு குறிப்பிட்ட தாக்குதலுக்கு தேவையான வெடி பொருட்களை கொண்டுவந்திருந்தார் என நிருபிக்கப்பட்டதுடன் அவருக்கு நீதி மன்று 200 வருட கடூளியச் சிறைத் தண்டனை வழங்கியிருந்தது.

தாக்குதல் இடம்பெற்றதில் இருந்து பொலிஸாரால் தேடப்பட்டுவந்த அவர் கடந்த 13 வருடங்களாக வன்னியில் புலிகளின் கட்டுப்பாட்டுப் பிரதேசத்தில் வசித்து வந்திருந்தார். ஆனால் வன்னிப் பிரதேசம் விடுவிக்கப்பட்டதில் இருந்து தேடப்பட்டு வந்த அவர் சுமார் ஆறு மாதங்களின் பின்னர் நேற்று வவுனியா செட்டிக்குளம் பிரதேசத்தில் வைத்து விசேட பொலிஸ் பிரிவினரால் கைது செய்யப்ட்டதாக தெரியவருகின்றது.