17000 வேலையில்லாப் பட்டதாரிகள் மிக விரைவில் தொழில் வழங்கப்படும் -ஜனாதிபதி-

வேலையில்லாப் பட்டதாரிகளின் பிரச்சினைகள் தொடர்பாக இன்று காலை ஜனாதிபதி தலைமையில் இடம்பெற்ற கலந்துரையாடல் ஒன்றை தொடர்ந்து 17000 வேலையில்லாப் பட்டதாரிகளுக்கு அரச நிறுவனங்களில் உடனடி தொழில்வாய்பை வழங்குவது என முடிவெடுக்கப்பட்டுள்ளது.

அரசுக்கு எதிரான கோசங்களை தொழிற்சங்கள் பலதும் எழுப்பி வரும் இத்தருணத்தில் வேலையில்லாப் பட்டதாரிகளும் அரசுக்கெதிரான ஆர்ப்பாட்டங்களில் ஈடுபடுவதை தடுக்கும் முகமாக இத்தீர்மானம் எடுக்கப்பட்டுள்ளது. கடந்த வாரம் இவ்வாறு ஆர்ப்பாட்டத்தில் ஈடுபட்ட வேலையில்லாப் பட்டதாரிகளுக்கும் பொலிஸாருக்கும் இடையில் மோதல் வெடித்திருந்ததும், 60 க்கு மேற்பட்டோர் கைது செய்யப்பட்டிருந்தது இங்கு குறிப்பிடத்தக்கதாகும்.