15 வயது சிறுமியை கற்பழித்த சட்டத்தரணி கைது.

மாத்தறை நீதிமன்றில் கடமைபுரியும் சட்டத்தரணி வில்சன் ஜெயவர்த்தனவை 15 வயது சிறுமி ஒருவரை கற்பழித்தார் என்ற குற்றச்சாட்டின் பெயரில் சிறுவர் பாதுகாப்புப் பிரிவினர் கைது செய்துள்ளனர். பாதிக்கப்பட்ட சிறுமி சட்டத்தரணியின் தோட்டத்தில் உள்ள காரியாலயத்தில் வேலை செய்து வந்துள்ளார். பின்னர் சிறுமிக்கு தனது வீட்டில் தங்குவதற்கு இடம் அளித்திருந்த சட்டத்தரணி, ஒரு நாள் மதுபாணத்தை வழங்கி சிறுமி மயக்கமுற்ற நிலையில் அவர் மீது குற்றம் புரிந்துள்ளார். மயக்கம் தெளிந்த சிறுமி தனக்கு நேர்ந்திருந்த விடயத்தை அறிந்து கொண்டதுடன் தனது கழுத்தில் இருந்த தங்கச் சங்கிலியும் அபகரிக்கப்பட்டிருந்ததை உணர்ந்துள்ளார்.

சவிடயம் மாத்தறை பொலிஸில் முறைப்பாடு செய்யப்பட்டபோது பொலிஸார் அவரைக் கைது செய்து மேலதிக விசாரணைக்காக சிறுவர் பாதுகாப்பு அதிகாரிகளிடம் கையளித்துள்ளனர். குறிப்பிட்ட சட்டத்தரணி இவ்வாறன பல பாலியல் குற்றங்களில் ஈடுபட்டு வந்துள்ளதாகவும் அவர் ஓர் சட்டத்தரணி என்ற பயத்தில் மக்கள் அவர் தொடர்பாக முறைப்பாடு செய்ய பயந்திருந்தாகவும் கூறப்படுகின்றது.


அதேநேரம் சில மாதங்களுக்கு முன்னர் இவ்வாறானதோர் சம்பவம் இவர் தொடர்பாக முறைப்பாடு செய்யப்பட்டிருந்தபோதும் இறுதியில் அது கிடப்பில் போடப்பட்டதாக தெரியவருகின்றது.