மாகாண சபை உறுப்பினரின் வாகனம் மோதியதில் பொலிஸ் அதிகாரியின் மகள் பலி.

தென் மாகாண சபையின் எதிர்கட்சி உறுப்பினர் ஒருவரின் வாகனம் மோதியதில் களுத்துறை பொலிஸ் பயிற்சி கல்லூரியைச் சேர்ந்த உதவி பொலிஸ் அத்தியட்சகர் ரஞ்சனி பெரேராவின் மகள், தரணி தனஞ்சனா பெரேரா எனப்படும் பிரஜாபதி கோதமி பாடசாலையில் கல்வி பயிலும் 6 வயது மாணவி ஒருவர் உயிரிழந்துள்ளார்.

பாடசாலை முடிந்து பாடசாலைச்சேவை வானில் வந்திறங்கிய சிறுமி வீடுசெல்வதற்காக வீதியை குறுக்கிடுகையில் காலிநோக்கி அதிவேகமாக சென்றுகொண்டிருந்த குறிப்பிட்ட பஜரோ வண்டி மோதியதில் காயமடைந்த அவர் வைத்தியசாலையில் அனுமதிக்கப்பட்டு உயிரிழந்துள்ளார்.

வாகனச்சாரதியும் வாகனமும் களுத்துறை பொலிஸில் தடுத்து வைக்கப்பட்டுள்ளதாக தெரியவருகின்றது.