குழந்தைகளுக்கான கடவுச் சீட்டுக்களைப் பெற பெற்றோர் இருவரதும் ஒப்துதல் வேண்டும்.

குழந்தைகளுக்கான கடவுச்சீட்டு வழங்குவதில் கொண்டுவரப்பட்டுள்ள மாற்றங்களுக்கிணங்க, கடவுச்சீட்டைப் பெற்றுக்கொள்ளும் 16 வயதுக்கு குறைந்த குழந்தைகளின் பெற்றோர் இருவரும் காரியாலயத்திற்கு நேரில் வந்து தமது விருப்பத்தை தெரிவிக்க வேண்டும் என குடிவரவு குடியகல்வு கட்டுப்பாட்டாளர் நாயகம் ரி.பி அபயக்கோண் தெரிவித்துள்ளார்.

விவாகரத்து பெற்றுள்ள அல்லது சட்டப்படி பிரிந்து வாழும் பெற்றோர் நீதிமன்ற தீர்ப்பின் அடிப்படையில் செயற்படவேண்டும் எனவும் பாதுகாவலர்கள் குழந்தைகளின் பெற்றோர்கள் இருவரதும் ஒப்புதலைச் சமர்பிக்கவேண்டும் எனவும் புதிய திருத்தச் சட்டத்தில் குறிப்பிடப்பட்டுள்ளது.

குழந்தைகள் பெற்றோரினால் கடத்தப்படும் சம்பவங்கள் அதிகரிப்பதை தொடர்ந்தே இம்மாற்றம் கொண்டுவரப்பட்டுள்ளது.