இந்திய விமானி நீர்கொழும்பில் கொலை.

சிறிலங்கன் எயார் லைன் விமானச் சேவையில் கடமை புரியும் இந்திய விமானி ராமன் குமார் றோய், நீர் கொழும்பில் அவர் தங்கியிருந்த வீட்டில் வைத்து படுகொலை செய்யப்பட்டுள்ளார். கத்தியினால் குத்தப்பட்டு பின்னர் தொங்க விடப்பட்டிருக்க வேண்டும் என பொலிஸார் சந்தேகிப்பதாக பொலிஸ் பேச்சாளர் டி.ஐ.ஜி நிமால் மெடிவக்க தெரிவித்துள்ளார்.

இவர் தொங்கிக்கொண்டிருப்பதை வீட்டின் யன்னல் ஊடாக அவதானித்த அயல்வீட்டுக்காரர்கள் பொலிஸாருக்கு தகவல் வழங்கியதை அடுத்து, அங்கு விரைந்த பொலிஸார் வீட்டின் கதவுகளை உடைத்துக் கொண்டு உள்ளே சென்றபோது, இரத்தக் கறைகளும் கத்தியும் நிலத்தில் காணப்பட்டதாகவும் அவரது உடல் தொங்கவிடப்பட்டிருந்தாகவும் மேலும் தெரிவித்துள்ள பொலிஸ் பேச்சாளர் நீர்கொழும்பு பொலிஸார் மேலதிக விசாரணைகளை மேற்கொண்டுவருவதாகவும் கூறியுள்ளார்.

50 வயதுடைய குறிப்பிட்ட விமானியின் குடும்பத்தினர் கனடாவில் வசித்து வருவதுடன் அவர் நீர்கொழும்பு பிரதேசத்தில் குறிப்பிட்ட வீட்டை வாடகைக்கு எடுத்து வாழ்ந்து வந்துள்ளார். கடந்த 23ம் திகதி வேலைக்கு தோன்றிய அவர் சில நாட்களுக்கு விடுமுறை அனுமதி கோரியிருந்தாகவும், இச்செய்தி வெளிவரும் வரை அவரிடம் இருந்து எவ்வித செய்திகளும் இடைக்கப்பெற்றிருக்க வில்லை எனவும் சிறிலங்கன் எயார் லைன் நிறுவனத்தினர் தெரிவித்துள்ளனர்.