கதிர்காமர் கொலை வழக்கிலிருந்து பிரபாகரன், பொட்டு நீக்கம்.

கதிர்காமர் கொலைவழக்கின் முக்கிய எதிரிகளாக கருதப்பட்ட புலிகளியக்கத்தின் தலைவர் பிரபாகரன் மற்றும் அவ்வியக்கத்தின் புலனாய்வுத்துறைப் பொறுப்பாளர் பொட்டு அம்மான் சண்முகநாதன் சிவசங்கர் ஆகியோரை வழக்கிலிருந்து நீக்கி விடுவதற்கு கொழும்பு உயர் நீதிமன்ற நீதவான் குமுதினி விக்கிரமசிங்க அனுமதி வழங்கியுள்ளார்.

இவர்கள் இருவரும் இறந்துவிட்டதாக கூறி சட்ட மா அதிபர் திணைக்களம் இவ் அனுமதியை கோரியிருந்தது. ஆனால் இவர்களுக்கு உரிய மரணச் சான்றுதல்கள் நீதிமன்றில் சமர்பிக்கப்பட்டதாக தெரியவில்லை. அத்துடன் இவர்கள் இருவரதும் மரணச் சான்றுதல்கள் இந்திய பிரதமர் ராஜீவ் கொலை வழக்கை விசாரணை செய்து வரும் ஆணைக்குழு இலங்கை அரசை கேட்டுள்ளமை இங்கு குறிப்பிடத்தக்கதாகும். ...............................