இலங்கை விமானப்படை உள்ளுர் விமானச் சேவையை ஆரம்பிக்கின்றது. விமானப்படைப் பேச்சாளர்.

இலங்கை விமானப்படையினர் உள்ளுர் விமானச் சேவையை ஆரம்பிக்க உள்ளதாக விமானப்படைப் பேச்சாளர் ஜனக்க நாணயக்கார இலங்கைநெற் இற்கு தெரிவித்தார். இது தொடர்பாக அவர் கூறுகையில், உள்ளுர் விமானச் சேவையின் பொருட்டு 4, 6, 8, 12 மற்றும் அதற்கு மேலான ஆசனங்களைக் கொண்ட விமானங்களை பயன்படுத்த உள்ளோம். வெளிநாடுகளில் இருந்து வருவோர் கட்டுநாயக்க விமான நிலையத்தில் இருந்து இலங்கையின் எந்தப் பாகத்திற்கும் செல்வதற்கு எமது விமானங்களை பதிவு செய்து பெற்றுக்கொள்ளலாம். அதற்காக நாம் கட்டுநாயக்க விமான நிலையத்தில் ஓர் புதிய கிளையை வாடிக்கையாளர்களுக்காக திறந்து வைத்துள்ளளோம் என்றார்.

அத்துடன் உள்ளுரில் உள்ளவர்களும் தமது தேவைகளுக்காக இவ்விமானங்களைப் பெற்றுக்கொள்ளலாம் எனவும் அவர் மேலும் கூறினார்.

For further information contact “Helitours” on (+94 60) 214 42 44 or
E-mail :helitours@slaf.gov.lk.