"கே.பி துரோகி" என அறிவித்திருக்கும் புலிகளின் சர்வதேச தலமைச் செயலகம்.

உண்மைகள் வெளிவரும் தன்மை கொண்டவை என்பது யாவரும் அறிந்த விடயம். புலிகளின் தலைவர் பிரபாகரன் அவ்வியக்கத்தினராலேயே காட்டிக்கொடுக்கப்பட்டார் என்பதை மக்கள் அறியும் காலம் கனிந்து கொண்டிருகின்றது.

பிரபாகரனின் நேரடிக் கண்காணிப்பில் இருந்த கெஸ்ரோவினால் இயக்கப்பட்ட புலிகளின் சர்வதேச வலையமைப்பைச் சேர்ந்தோர் இன்று கே.பி யை துரோகி என அறிவித்துள்ளனர். புலிகளின் பிரச்சார இணையங்கள் இரு பிரிவாக பிரிந்து நிற்கின்ற போது அவ்விணையங்களில் பொது உடன்படிக்கையுடன் அவதூறான செய்திகளை வெளியிடாத இரு தரப்பும் புதிதுபுதிதாக இணையங்களை ஆரம்பித்து அதன் ஊடாக தமது காழ்ப்புணர்ச்சிகளைத் தீர்த்து வருகின்றனர்.

அவ்வாறு நெடியவன் , ரிஆர்ஓ ரெஜி ஆகியோரினால் இயக்கப்படும் இணையம் ஒன்றில் கொழும்பில் 40 சவப்பெட்டிகளை ஓடர் செய்துவிட்டு நோர்வேயில் பதுங்கியுள்ள குதிரைக் கஜேந்திரன் பிரதம ஆசிரியராக செயற்படுகின்றார்.

அவ் இணையத்தில் பரப்புரை பத்திரிகை துரோகிகளால் இயக்கப்படுவதாகவும், அதன் எழுத்தாளர் ரிஷி புலிகளின் பணத்திற்காக கூலிக்கு மாரடித்தாகவும் குறிப்பிட்டுள்ளதுடன் புலிகளின் அழிவின் பின்னர் ரிஷி தனது உண்மையான எஜமான்களான இந்திய நாட்டின் மூன்றெழுத்த உளவுப் பிரிவுடன் இணைந்து கொண்டுள்ளதாகவும், எதிர்காலத்தில் தமிழ் மக்கள் அப்பத்திரிகையை வாசிக்க வேண்டாம் எனவும வேண்டப்பட்டுள்ளது.

அத்துடன் கேபி யை துரோகி என அறிவித்துள்ள அறிக்கையின் முழு வடிவம் கீழே.

துரோகிகளுக்கு எச்சரிக்கை

வெளிநாடுகளில் "நான்கு சுவருக்குள்" இருந்து அறிக்கை விடும் குமரன் பத்மநாதனின் துரோகச் செயற்பாட்டுக்கு ஆதரவும் ஒத்துழைப்பும் தரும் தேசவிரோதிகளுக்கு ஒர் எச்சரிக்கை!

தொடர்ந்தும் இப்படியான தேசவிரோத செயற்பாட்டில் நீங்கள் ஈடுபடுவீர்களேயானால் உங்கள் செயற்பாடுகள் தனிப்பட்ட தங்களின் தீய நடத்தைகளை வெளியிடுவதுடன் தங்கள் புகைப்படங்களும் வெளியிடப்படும்.

மேலும் "நான்கு சுவருக்குள்" இருந்து அறிக்கை விடும் குமரன் பத்மநாதனின் பழைய கூட்டாளிகள் மிகவும் கவனமாக இருங்கள். உங்கள் சாதகமே எங்கள் கைகளில்.