வவுனியாவில் த. வி். கூ : யாழ்பாணத்தில் மு. கா வேட்புமனுக்கள் நிராகரிக்கப்பட்டுள்ளது.

வவுனியா உள்ளுராட்சி சபைக்கான ஆனந்தசங்கரி தலைமையிலான தமிழர் விடுதலைக் கூட்டணியின் வேட்புமனு நிராகரிக்கப்பட்டுள்ளது. வேட்பாளர் ஒருவரது கையொப்பத்தில் காணப்பட்ட வித்தியாசம் காரணமாகவே இம்மனு நிராகரிக்கப்பட்டுள்ளதாக வவுனியா மாவட்ட மேலதிக தேர்தல் ஆணையாளர் எஸ். கருணாநிதி தெரிவித்துள்ளார். அங்கீகரிக்கப்பட்ட ஆறு அரசியல் கட்சிகளும் 3 சுயேட்சைக்குழுக்களும் இத்தேர்தலுக்கான வேட்புமனுக்களை இன்று பாரமளித்ததாக அவர் மேலும் தெரிவித்துள்ளார்.

அதே நேரம் யாழ் மாநகர சபைக்கான இலங்கை முஸ்லிம் காங்கிரஸினதும் சுயேட்சைக் குழுவொன்றினதும் வேட்பு மனுக்கள் நிராகரிக்கப்பட்டுள்ளதாக யாழ் மாவட்ட மேலதிக தேர்தல் ஆணையாளர் திரு. குகநாதன் தெரிவித்துள்ளார்.