ஜெனரல் ஜானகபெரேரா குண்டுவெடிப்பின் சூத்திரதாரி கைது.

கடந்தவருடம் ஒக்ரோபர் 6ந் திகதி அநுராதபுரத்தில் ஜென. ஜானகபெரேரா, அவரது மனைவி உட்பட இருபத்திமூவர் மேல் மேற்கொண்ட தற்கொலைத்தாக்குதலின் பிரதான சூத்திரதாரி கைது செய்யப்பட்டுள்ளார்.

நேற்று முன்தினம் (10ந் திகதி) சியம்பலகஸ்கட பொலிஸ் சோதனைச்சாவடியில் வைத்து கைதுசெய்யப்பட்ட இந்நபர் மாங்குளம் பிரதேசத்தைச் சேர்ந்த அபுசாலி ஜபீர் என இனங்காணப்பட்டுள்ளார். மேற்படி நபர், குறித்த இத்தாக்குதலை மேற்கொண்ட தற்கொலைக் குண்டுதாரியை செட்டிக்குளம் பிரதேசத்திலிருந்து மதவாச்சி வரை அழைத்துச் சென்று பிறிதொரு நபரிடம் கையளித்ததாக பொலிஸ் விசாரணைகளிலிருந்து தெரியவந்துள்ளது.