கொழும்பு டாம் வீதியில் இன்று அதிகாலை 5.20அளவில் பொலீஸ் இன்ஸ்பெக்டர் ஒருவரின் கழுத்தை நெரிப்பதற்கு முற்பட்ட புலிச் சந்தேகநபர் ஒருவர் பொலீசாரின் துப்பாக்கிப் பிரயோகத்தில் கொல்லப்பட்டுள்ளார். டாம் வீதிப் பகுதிக்கு கைவிலங்கு இடப்பட்ட நிலையில் அழைத்துச் செல்லப்பட்ட சந்தேகநபர் ஒருவர் ஜீப் வண்டியை ஓட்டிச்சென்ற பொலீஸ் இன்ஸ்பெக்டரின் கழுத்தை நெரித்துள்ளதாக பொலீஸ் ஊடகப் பேச்சாளர் சிரேஸ்ட பொலீஸ் அத்தியட்சகர் ரஞ்சித் குணசேகர தெரிவித்துள்ளார் இதன்போது ஜீப் குடை சாய்ந்துள்ளது. இந்த சந்தர்ப்பத்தில் தப்பிச்செல்ல முற்பட்ட மேற்படி கைதியின்மீது வண்டியில் இருந்த பொலீஸ் கான்ஸ்டபிள் துப்பாக்கிப் பிரயோகம் மேற்கொண்டதில் அவர் கொல்லப்பட்டுள்ளார். குற்றப்புலனாய்வுப் பிரிவின் பொறுப்பில் இருந்த மேற்படி புலிச் சந்தேகநபர் தான் ஆயுதம் மறைத்து வைத்திருந்த இடத்தை காட்டுவதாக தெரிவித்திருந்த நிலையில், அவரை டாம்வீதிக்கு அழைத்து வந்தபோதே சம்பவம் இடம்பெற்றுள்ளது. கைவிலங்கினால் கழுத்து நெரிக்கப்பட்டதில் காயமடைந்த பொலீஸ் இன்ஸ்பெக்டர் கொழும்பு தேசிய வைத்தியசாலையில் சிகிச்சை பெற்று வருகின்றார்
No comments:
Post a Comment