நடிகர் நாகேஷ் காலமானார்

தமிழ் திரையுலகில் பிரபல நகைச்சுவை நடிகர் நாகேஷ் இன்று சென்னையில் காலமானார். அவருக்கு வயது 75. நீண்ட காலமாக உடல்நலக் குறைவால் அவர் பாதிக்கப்பட்டிருந்தார் .

நகைச்சுவை பாத்திரங்கள் மட்டுமல்லாமல், சிறந்த குணசித்திர வேடங்களிலும் நடித்து தமிழ் திரையுலகில் தனக்கென்று ஒரு இடத்தை பிடித்திருந்தவர் அவர்.

நாகேஷ் அவர்கள், 1933ஆம் ஆண்டு ஒரு கன்னட பிராமணக் குடும்பத்தில் பிறந்தார். அவரது இயற்பெயர் குண்டு ராவ். ஆயிரம் திரைப்படங்களுக்கு மேல் நடித்துள்ள நாகேஷ் அவர்கள், தமிழ் திரையுலகில் இருபெரும் துருவங்களாக திகழ்ந்த எம்.ஜி.ஆர். மற்றும் சிவாஜி கணேசன் ஆகியோருடன் ஒரே காலகட்டத்தில் நடித்தவர்.

அவர்கள் காலம் தொடங்கி ஐந்து தலைமுறை நடிகர்களுடன் நடித்துள்ள பெருமை நாகேஷ் அவர்களுக்கு உண்டு.

மறைந்த இயக்குநர் ஸ்ரீதர் அவர்களின் இயக்கத்தில் வெளியான நவக்கிரம் படத்தில் அவர் அறிமுகனார். அவர் நடித்த கடைசிப் படம் சமீபத்தில் வெளியான தசாவாதாரம்.

மேடை நாடகத்தில் தனது கலை வாழ்க்கையை ஆரம்பித்திருந்த அவர், நடிப்பு மட்டுமல்லாது நடனத்திலும் சிறந்து விளங்கினார்.

திருவிளையாடல், காதலிக்க நேரமில்லை, சர்வர் சுந்தரம், எதிர்நீச்சல், நீர்க்குமிழி போன்ற அவரது பல படங்கள் ரசிகர்களின் மனதில் நீங்கா இடம்பிடித்துள்ளன.

Thanks BBC