புதுக்குடியிருப்பு முன்னரங்குகளில் உக்கிரமோதல். இருதரப்பிலும் பலத்த இழப்பு.

நேற்றுப் பிற்பகல் முல்லைத்தீவு புதுக்குடியிருப்பு பிரதேசத்தில் படையினர் புதிதாக அமைத்துள்ள பாதுகாப்பு முன்னரங்குகள் மீது புலிகள் தமது முழுப்பலத்தையும் திரட்டி பலத்த தாக்குதல் ஒன்றை தொடுத்துள்ளனர். படையினரது முன்னரங்குகளைக் கைப்பற்றும் நோக்கில் புலிகளால் மேற்கொள்ளப்பட்ட இத்தாக்குதலை படையினர் நீண்ட நேர சமரின் பின்னர் முறியடித்துள்ளதாக பாதுகாப்பமைச்சகம் தெரிவித்துள்ளது.

பலத்த இழப்புகளுடன் பின்வாங்கி ஓடியுள்ள புலிகள் தாக்குதலுக்காக கொண்டு சென்ற ஏகப்பட்ட வெடிபொருட்களை விட்டுச் சென்றுள்ளனர். இத்தாக்குதலில் ஈடுபட்ட புலி உறுப்பினர் ஒருவரின் உடலைக் கைப்பற்றியுள்ளதாக தெரிவித்துள்ள படையினர் தமது தரப்பிலும் சிறுதொகையினர் காயடைந்துள்ளதாக தெரிவித்துள்ளனர்.