பிரபாகரன் தங்கியிருந்ததாக நம்பப்படும் நிலக்கீழ் அதிநவீன சொகுசு பங்கர் கண்டு பிடிப்பு.

விசுவமடுப் பிரதேசத்தில் புலிகளின் தலைவர் தங்கியிருந்ததாக நம்பப்படும் நிலக்கீழ் அதி நவீன சொகுசு பங்கர்களுடன் கூடிய வீடொன்று 57ம் படைப்பிரிவினரால் கண்டுபிடிக்கப்பட்டுள்ளது. நேற்று வெள்ளிக்கிழமை படையினரால் கைப்பற்றப்பட்டுள்ள விசுவமடுப்பிரதேசத்திலேயே மேற்படி இடம் கண்டுபிடிக்கப்பட்டுள்ளது.

முற்றிலும் குளிரூட்டமப்பட்ட மேற்படி ஆடம்பர வீட்டில் மின்சாரத்தில் இயங்கும் தூக்கிகள், ஆடம்பர மலசலகூட வசதிகள், குண்டு துளைக்காத கதவுகள் மற்றும் யன்னல்கள், வீட்டின் சகல இடங்களையும் அவதானிக்க வீடியோ கமராக்கள், சத்தம் வெளிவராத ஜெனரேற்றர் என்பன காணப்பட்டதாக பாதுகாப்புத் தரப்புச் செய்திகள் தெரிவிக்கின்றன.

அங்கு மேலும் நீரழிவு நோயினால் பாதிக்கப்பட்டவர்களுக்கு சிகிச்சை அளிப்பதற்கான நவீன உபகரணங்கள் மற்றும் உடற்பயிற்சி உபகரணங்கள் என்பனவும் காணப்பட்டதாகவும் அங்கு 24 மணித்தியாலயமும் வைத்தியர் ஒருவர் சேவைக்கு அமர்த்தப்பட்டிருந்ததற்கான தடயங்களும் காணப்படுவதாகவும் தெரியவருகின்றது.