தற்கொலை அங்கி கண்டு பிடிப்பு

தெகிவல வாசல வீதியில் தற்கொலை அங்கி ஒன்று கண்டுபிடிக்கப்பட்டுள்ளது. கொழுப்பில் புலிகளது ஊடுருவல்களை கண்டுபிடிக்க பாதுகாப்பு படையினர் மேற்கொண்டு வருகின்ற செயற்திட்டங்களின் ஊடாக கொழும்புப் பிரதேசத்தில் காணப்படுகின்ற ஆனாதரவான நிலங்கள் மற்றும் கட்டிடங்களை மக்கள் சிரமாதானம் மூலம் துப்புரவு செய்து அங்கு மறைத்து வைத்திருக்க கூடிய பொருட்களை கண்டுபிடித்து வருகின்றன்.

அதன் அடிப்படையில் நேற்று வாசல வீதியில் மேற்கொள்ளப்பட்ட சிரமதான வேலைகளின் போது மேற்படி தற்கொலை அங்கி கண்டுபிடிக்கப் பட்டுள்ளது. அவ்வங்கியில் 4 கிலோகிராம் எடையுள்ள சீ4 ரக வெடிமருந்து நிரப்பப்பட்டிருந்ததாக அதை செயலிழக்கச் செய்த விசேட அதிரடிப் படையினர் தெரிவித்துள்ளனர்.