பெரிய குஞ்சிகுளக் காட்டில் அதிசக்தி வாய்ந்த வெடி பொருட்கள்

வவுனியாவில் கைதான இளைஞன் ஒருவர் வழங்கிய தகவலின் அடிப்படையில் செட்டிகுளம் பொலிஸ் பிரிவில் பெரிய குஞ்சுக்குளம் காட்டில் மறைத்து வைக்கப்பட்டிருந்த கிளேமோர் மற்றும் அதிசக்தி வாய்ந்த பலதரத்தையும் சேர்ந்த சுமார் 50 கிலோ நிறைகொண்ட வெடிபொருட்களை வவுனியா பொலிஸார் நத்தார் தினத்தன்று அதிகாலை கண்டுபிடித்தனர்.

கைதான புலிகளின் தற்கொலையாளி, சோதனைக்கு உள்ளாக்கப்பட்ட போது மறைத்து வைத்திருந்த சயனைட்டு வில்லையை அருந்தி மரணிக்க முயற்சித்துள்ளார். பொலிஸார் அவரை காப்பாற்றியுள்ளனர்.

வன்னி நடவடிக்கைக்கு செட்டிகுளம் - மன்னார் வீதியில் வாகனத்தில் பயணிக்கும் பாதுகாப்புப் படையினரை இலக்கு வைத்து தாக்குதல் நடத்தவே இவை கொண்டு வரப்பட்டுள்ளதாகவே பொலிஸ் சிரேஷ்ட அதிகாரி ஒருவர் தெரிவித்தார். பாரிய ஒரு அழிவு தடுக்கப்பட்டுள்ளது.