ரிபிசியின் தற்காலிக இடைநிறுத்தத்துள் புகையும் செய்திகள். - நகுலன்

08.12.2008 லிருந்து ரிபிசியை தற்காலிகமாக இடைநிறுத்தியுள்ளதாக நிர்வாக பணிப்பாளர் வீ. இராமராஜ் அறிக்கை வெளியிட்டுள்ளார். அவரது அறிக்கையில் கடந்த 10 வருடங்களாக புலிகளுக்கெதிராக ரிபிசி வானொலி பணியாற்றிவருவதாக தெரிவிக்கப்பட்டுள்ளது. இவ்வடிப்படையில் வீ. ராமராஜ்ஜின் இக்கூற்று உண்மை அற்றது. ஐரோப்பாவில் புலிகளின் தலைவர் வே. பிரபாகரனின் பிறந்ததின உரையை ஒலிபரப்பியதற்காக புலிகளின் குரல் வானொலியால் பாராட்டு வேண்டியவர் வீ. இராமராஜ்.

இந்நிலையில் வெறும் பணத்திற்காகவே வீ.ராம்ராஜ் இத்தொழிலை செய்கின்றார் என்பதை உணர்ந்து கொண்ட புலம்பெயர்ந்து வாழும் மாற்றுக்கருத்தாளர்கள் ராமராஜனை மடக்கிப்பிடித்து புலிகள் வழங்கும் பணத்திலும் கூடுதலான தொகையை வழங்கியதுடன் வானொலியில் நேரடியாகவே தமது நேரங்களைச் செலவுசெய்து நிகழ்சி தயாரிப்பாளர்களாகவும், அரசியல் ஆய்வாளர்களாகவும், அறிவிப்பாளர்களாகவும், நேயர்களாகவும் பங்கெடுத்ததன் மூலம் இவ்வானொலியை ஓர் மாற்றுக்கருத்துக்கான மையமாக வளர்த்தெடுத்தனர். ஆனால் இவ்விடயத்தை தலைகீழாக மாற்றி ராமராஜ் ரிபிசி வானொலியில் மாற்றுக்கருத்துக்களுக்கு இடம் கொடுத்ததாக மார்தட்டுவது கேலிக்குரியவிடயமாகும்.

இவ்வாறு முற்றுமுழுதாக மாற்றுகருத்தாளர்களின் முழு அர்பணிப்பில் வளர்த்தெடுக்கப்பட்ட வானொலியை தனது சொத்தாக்கிக்கொண்ட ரிபிசி வானொலி நிர்வாக பணிப்பாளர் வீ. இராமராஜ் அவ்வானொலியின் வளர்சிக்காக உழைத்துக்கொண்டிருந்த மாற்றுக்கருத்தாளர்கள் எவருக்கும் தெரியாமல் ஜாதிக கெல உறுமிய ஊடாக புதிய நிதி வரவை பாரிய அளவில் ஏற்படுத்திக் கொண்டார். இந்நிதி விவகாரம் கட்டுக்காடங்காமல் சென்றதுடன் புலிகளிடமும் திரை மறைவில் பணம் பெறப்பட்டது. புலிகளின் பணத்தை பெற்றுகொண்ட இராமராஜ் இவ்வானொலியினூடாக புலிகளின் விசமப்பிரச்சாரங்களுக்கு இடம் விடவும் உண்மையான ஜனநாயகவாதிகளை நியாயத்திற்கு மாறாக விமர்சிக்கவும் இலங்கை அரசை எல்லைகளுக்கப்பால் சென்று விமர்சிக்கவும் நிர்பந்திக்கப்பட்டார்.

மேற்படி இவரது செயற்பாடுகள் மாற்றுக்கருத்துக்கள் மக்கள் மத்தியில் செல்ல வேண்டும் என்ற தேவையின் நிமித்தம் வழங்கப்பட்ட ஊக்குவிப்பு பணங்கள் மற்றும் இலங்கை வானொலியினூடான நிகழ்ச்சிகள் என யாவற்றையும் தடைசெய்தது.மறுபுறத்தில் புலிகளின் ஊடுருவலை உணர்ந்து கொண்ட மாற்றுக்கருத்தாளர்கள் வானொலியில் இருந்து விலகிச் சென்றனர். ஆனால் இவர்கள் அவ்வானொலியில் இருந்து விலகிச்செல்ல முன்பு இவ் இருதரப்பு நிதி கையாளுகை விடயமாக ராமிடம் கேட்டிருந்த போதும் அதை அவர் மறுதலித்தே வந்துள்ளார். ஆனால் அவர் அவ்வாறு பணம் வாங்கியவிடயத்தை (இலங்கை அரசிடமிருந்து) பின்நாட்களில் ஏற்றுக்கொண்டுள்ளார்.

ராம்ராஜ் இவ்வாறு மாற்றுக்கருத்தாளர்களை உதாசீனப்படுத்தியதற்கான காரணம் அவர் புலிகள் மீது வைத்திருந்த அதீத நம்பிக்கையேயாகும். மாற்றுக்கருத்தாளர்கள் வெளியேறினால் இவ்வானொலி தடம்அற்றுப் போகும் என்னபதை இவர் உணர்ந்திருந்தும் புலிகள் தன்னை தொடர்ந்தும் காப்பாற்றுவர் என்ற நம்பிக்கையிலேயே மாற்றுக்கருத்தாளர்களை ராம்ராஜ் உதறித்தள்ளினார். ஆனால் இன்று நிலைமை தலைகீழாக மாறி புலிகள் இவ்வானொலிக்கு விலைபேசி உள்ளனர். காரணம் அவ்வானொலியில் புலிகளுக்கு எதிராக கருத்து கூற எவரும் இல்லாத இடத்து புலிகளின் பிரச்சாரங்களை மேற்கொள்வதற்காக ராமராஜிடம் பணம்கொடுத்து அதைசெய்விக்க வேண்டும் என்ற தேவை புலிகளுக்கு இல்லை. புலிகளுடைய கருத்துக்கள் அவர்களுடைய ஆதரவாளர்களுக்கு தமது சொந்த ஊடகங்களுடாக சென்றுகொண்டிருக்கினறது. ஆனால் இவ்வானொலியூடாக புலிகளை எதிர்த்து நிற்கின்றவர்களுக்கு தமது கருத்தை திணிப்பதுவே புலிகளின் நோக்கம்.

இந்நிலையில் இவ்வானொலி தொடர்ந்தும் செயற்படுவதென்பது மிகவும் கடினமானதென்பது யாவரும் அறிந்த விடயம். ஆனால் அந்த சுமையை அங்கு எஞ்சியிருக்ககூடிய நேயர்கள் தாங்குவதென்பதும் மிகவும் கடினமானவிடயமாகும். குறிப்பாக அங்கிருக்ககூடிய நேயர்கள் அனைவரும் புலிகளின் வானொலி ஒன்றுடன் தமது பொழுதைபோக்க விரும்பவில்லை என்கின்ற அவர்களது மனோவலிமையை தனக்கு சாதகமாக பயன்படுக்தும் ராம்ராஜ் அவர்கள் மீது ஓர் பாரிய சுமையை சுமத்த எத்தனிப்பது முறையற்ற செயலாகும்.

இங்கு ஓர் விடயத்தை சுட்டிக்காட்ட விரும்புகின்றேன். TBC நேயர்களை முழு முட்டாள்கள் என்று ராமராஜால் எவ்வாறு எடைபோட முடியும்? கடந்த இருவாரங்களுக்கு முன்பு இடம்பெற்ற ரிபிசியின் பொருளாதாரம் சம்பந்தமான கலந்துரையாடலில் வானொலியின் அனுமதிப்பத்திரம் டிசம்பர் மாதம் 05 திகதியுடன் முடிவடைவதாகவும் நேயர்கள் பணம்தராவிட்டால் அனுபதிபத்திரத்தை புதிப்பிக்க முடியாதநிலை ஏற்படும் என்றும் கூறியிருந்தார். பின்னர் பொருளாதார நெருக்கடி காரணமாக தற்காலிகமாக நிறுத்துகின்றேன் என கூறுகின்றார். மேற்படி இருகருக்துக்களுக்கும் இடையில் உள்ள முரண்பாட்டை நாம் சற்று சிந்திப்போமாக இருந்தால் இவர் பணத்திற்காக இன்று நேயர்களின் விருப்பத்திற்கு மாறாக அவ்வானொலியை பூட்டி அவர்களை பணம்வேண்டி வற்புறத்துகின்றார் என்பது தெளிவாகின்றது.

அத்துடன் அவருக்கு நெருக்கமானவர்களிடம் இருந்து கிடைத்துள்ள தகவல்களின்படி எதிர்வரும் வாரம் லண்டனில் பாடசாலைகள் விடுமுறை விட இருப்பாதாகவும் பாடசாலை விடுமுறைக்காக வானொலியை பூட்டிவிட்டு சுற்றுலா செல்ல உள்ள ராம்ராஜ் நேயர்களிடம் நேரடியாக சென்று வசூலிப்பில் இறங்க திட்டமிட்டுள்ளதாக தெரியவருகின்றது. இவரால் இவ்வானொலியை தொடர்ந்து கொண்டு செல்லமுடிமா? என்பதை நேயர்கள் இருமுறை சிந்திக்க வேண்டும். இவ்வானொலியை வைத்து பலரிடமும் பிழைப்பு நாடாத்திவரும் இந்நபர் தனக்கு சாதகமான ஓர் சந்தர்பம் கிடைக்கும்போது நேயர்களை பற்றி சிந்திக்கப்போவதில்லை. எனவே ரிபிசி ஒன்றேதான் எமக்கு பொருத்தமான வானொலி எனும் நிலையில் இருக்கும் நேயர்கள் தமது மனநிலையை மாற்றிக்கொள்வது சிறந்தாகும். VIII