புலிகளின் மேலும் 3 உடல்களை படையினர் கைப்பற்றியுள்ளனர்.

தமது நடவடிக்கைகளைத் தொடர்ந்து வருகின்ற படையினர் கிளிநொச்சி நகரை அண்மித்துள்ள அக்கராயன்குளம் வடக்கு மற்றும் இரணமடு, நெவில் பிரதேசங்களின் மேற்கிலுள்ள புலிகளது நிலைகள் மீது மேற்கொண்ட தாக்குதல்களில் புலிகளுக்கு பலத்த சேதத்தை ஏற்படுத்தியுள்ளதாக பாதுகாப்புத்தரப்புச் செய்திகள் தெரிவிக்கின்றது. அச்செய்தியில் மேலும் அண்மையில் படையினரால் கைப்பற்றப்பட்ட இரணமடு மேற்குப்பகுதியில் இடம்பெற்ற மோதல்களில் புலிகளுக்கு பலத்த சேதம் ஏற்பட்டதுடன் தமது தரப்பிலும் படைவீரர்கள் காயமடைந்தும் சில வீரர்கள் காணமல்போயும் உள்ளதாக தெரிவிக்கப்படுகின்றது.

அத்துடன் குமுளமுனைப் பிரதேசங்களிலும் அடம்பனின் கிழக்குப் பிரதேசங்களிலும் ஆங்காங்கே புலிகளுடன் இடம்பெற்ற மோதல்களில் பல புலிகள் கொல்லப்பட்டும் காயமடைந்தும் உள்ளதாகவும் மோதல்களைத் தொடர்ந்து படையினர் அங்கு நடாத்திய தேடுதல்களின் போது புலிகளின் மூன்று சடலங்கள் கைப்பற்றப்பட்டதாகவும் தெரியவருகின்றது.