தூக்கத்தை குழப்பியதற்காக சிறுமி பொல்லால் தாக்கப்பட்டு மரணம்!

தூக்கத்தில் இருந்த 16 வயது சிறுவன் தூக்கத்தை குழப்பியதாக கூறி 3 வயது சிறுமியை பொல்லால் அடித்ததில் சிறுமி மரணமானார். இச்சம்பவத்தில் சாந்தினி-ஜெயராம் (வயது 03) என்ற சிறுமியே மரணமடைந்துள்ளார். மொறவக்க பொலிஸ் பிரிவில் உள்ள பாணகல ஹோப்பத்த என்ற இடத்தில் நேற்று முன்தினம் 23 ஆம் திகதி இச்சம்பவம் இடம்பெற்றுள்ளது. இச்சிறுமியின் பெற்றோர் இருவரும் வெளிநாடொன்றிற்கு வேலைக்காக சென்றுள்ளதாகவும் .குழந்தையை அவர்களது மாமா, மாமி ஆகியோரிடம் ஒப்படைத்து விட்டு சென்றதாகவும் மொறவக்க பொலிஸார் தெரிவித்தனர்.

சம்பவம் நடந்த அன்று மாமனும்,மாமியும் உடுகமவில் உள்ள உறவினர் வீட்டுக்கு சென்றதாகவும் சந்தேக நபரான சிறுவன் தூக்கத்தில் இருந்த சமயம் சிறுமி அவரை தூக்கத்தில் இடையூறு செய்ததாக கூறி பொல்லால் தாக்கியதில் சிறுமி மரணமானதாவும் பொலிஸார் தெரிவித்தனர். சிறுவனை மொறவக்க நீதிமன்றில் பொலிஸார் ஆஜர் செய்த சமயம் அவரை நான்கு நாட்களுக்கு விளக்கமறியலில் வைக்குமாறு நீதிவான் உத்தரவிட்டார்.