சிறந்த பெறுபேறுகளைப் பெற உதவிய கிழக்கு ஆசிரியர்களுக்கு பாராட்டு!

கிழக்கு மாகாண பாடசாலைகளில் 2007ம் ஆண்டு சிறந்த பெறுபேறுகளை பெற உதவிய ஆசிரியர்களை கௌரவிப்பதற்கு கிழக்கு மாகாண தமிழ் ஆசிரியர் சங்கம் நடவடிக்கை எடுத்துள்ளது. 5ஆம் தர புலமைப் பரீசில் பரீட்சை, க.பொ.த(சாதாரணம்), க.பொ.த.(உயர்தரம்) ஆகிய பரீட்சைகளில் மிகச் சிறந்த பெறுபேறுகளைப் பெற உதவிய ஆசிரியர்கள் கௌரவிக்கப்படவுள்ளனர். அத்தோடு இணைப்பாடவிதான செயற்ப்பாடுகளான விளையாட்டு, தமிழ், சிங்களம், ஆங்கில மொழி தினப் போட்டிகள் மற்றும் இசை, நடனம், சித்திரம், நாடகம், ஆகிய போட்டிகளிலும் தேசிய நிலையில் மாணவர்கள் சாதனை படைக்க உதவிய ஆசிரியர்களும் கௌரவிக்கப்படவுள்ளனர். கௌரவிக்கப்படுவதற்க்கு தகுதியுள்ள ஆசிரியர் பற்றிய விபரங்களை பொதுச் செயலாளர், கிழக்கு மாகாண தமிழ் ஆசிரியர் சங்கம், பிரதான வீதி, திருகோணமலை என்ற விலாசத்துக்கு அனுப்பி வைக்குமாறு சகல அதிபர்களையும் சங்கம் கேட்டுள்ளது.