வெடிமருந்து நிரப்பப்பட்டிருந்த இரு சப்பாத்துகள் கண்டுபிடிப்பு. அனர்த்தத்தில் இருந்து மக்கள் பாதுகாக்கப்பட்டனர்.

கொழும்பு - நீர்கொழும்பு வீதியிலுள்ள கந்தானை பொலிஸ்நிலையத்திற்கு அண்மித்த கப்புவத்த எனுமிடத்தில் தெருஓரத்தில் சந்தேகத்திற்கு இடமாக காணப்பட்ட இருசப்பாத்துக்களை அவதானித்த பிரதேச இளைஞர்கள் பொலிஸ் அவசர சேவையான 119 இற்கு தகவல் கொடுத்ததையடுத்து அங்கு விரைந்த பொலிசார் நிகழவிருந்த பெரும் அனர்த்தம் ஒன்றைத் தடுத்துள்ளனர்.

பொலிசாரின் வேண்டுதலையடுத்து அங்கு விரைந்த இராணுவ குண்டு செயலிழக்கச் செய்யும் பிரிவினர் அச்சப்பாத்துக்களுடன் குண்டுகள் பொருத்தப்பட்டிருந்ததைக் கண்டுபிடித்துள்ளனர். அச்சப்பாத்துகளில் துல்லியமாக முறையே 750 500 கிராம் சி4 ரகவெடிமருந்துகள் நிரப்பப்பட்டிருந்ததாகவும் அங்கே இரு டெட்னேற்றர்கள் , 9 வோல்ட பெற்றறி காணப்பட்டதுடன் குண்டுடன் மணிக்கூடு ஒன்று பொருத்தப்பட்டிருந்தாகவும் படைத்தரப்பினர் தெரிவிக்கின்றனர்.

இவ்வெடி குண்டு பாடசாலை விட்டு திரும்பும் மாணவர்களையும் அப்பாவி பொதுமக்களையும் இலக்காக கொண்டிருக்க முடியும் என பாதுகாப்புத்தரப்பினர் தெரிவிக்கின்றனர்.