புதுக்குடியிருப்பில் புலிகளின் இரு முகாம்கள் தாக்கி அழிப்பு.

முல்லைத்தீவு மாவட்டத்திலுள்ள புதுக்குடியிருப்பு பகுதியில் அமைந்துள்ள புலிகளின் இரு முகாம்கள் விமானப்படையின் யுத்த விமானங்கள் மூலம் தாக்கி அழிக்கப்பட்டுள்ளன. இந்தத் தாக்குதல் நேற்றுக் காலை (9). 7.45மணியளவில் மேற்கொள்ளப்பட்டதாக இராணுவப் பேச்சாளர் பிரிக்கடியர் உதய நாணயக்கார தெரிவித்தார். தாக்குதல் வெற்றிகரமாக இடம்பெற்றதாக விமானிகள் உறுதிப்படுத்தியுள்ளனர். இந்தத் தாக்குதலில் புலிகளின் முகாம்கள் முழுமையாக சேதமடைந்துள்ளதோடு புலிகளுக்கு பலத்த சேதம் ஏற்பட்டிருக்கலாம் என இராணுவப் பேச்சாளர் தெரிவித்தார். இதேவேளை முல்லைத்தீவு நாயாறு மேற்கே குமுழமுனைப் பகுதியில் அமைந்துள்ள புலிகள் ஒன்று கூடும் இடமொன்றின் மீது நேற்று முன்தினம் மாலை விமானத் தாக்குதல் நடத்தப்பட்டது இதனால் புலிகளுக்கு பாரிய சேதம் ஏற்பட்டிருக்கலாமென எதிர்பார்க்கப் படுகிறது.