காதலியை வல்லுறவு புரிந்த காதலனும் வீடியோ படம் எடுத்தவரும் கைது.

பாடசாலை மாணவியை மோட்டார் சைக்கிளில் கடத்திச் சென்று பாழடைந்த வீட்டில் வைத்து பாலியல் வல்லுறவு புரிந்த இளைஞனையும் இச்சம்பவத்தை வீடியோ படம் எடுத்த இளைஞனையும் அக்குரஸ்ஸ பொலிஸார் கைது செய்துள்ளனர். இச்சம்பவம் தொடர்பாக அக்குரஸ்ஸ பொலிஸார் தெரிவிக்கையில், குறித்த மாணவி கடந்த செவ்வாய்க்கிழமை தனியார் வகுப்பிற்கு சென்று கொண்டிருக்கையில் மாணவியின் காதலனான 20 வயது இளைஞன் தனது காதலியை மோட்டார் சைக்கிளில் வகுப்பிற்குக் கூட்டிச்செல்வதாக கூறி அழைத்துச் சென்றுள்ளார். எனினும் மாணவியை தனியார் வகுப்பிற்கு கூட்டிச் செல்லாது பாழைடைந்த வீட்டின் மேல் மாடிக்கு அழைத்துச் சென்று பாலியல் வல்லுறவிற்குட்படுத்தியுள்ளார். இச்சம்பவத்தை இவரது நண்பர் வீடியோ படம் எடுத்துள்ளார். குறித்த மாணவி இச்சம்பவம் குறித்து தனது தாயாரிடம் முறையிட்டதையடுத்து, தாயார் பொலிஸில் புகார் செய்துள்ளதாக பொலிஸார் மேலும் தெரிவித்துள்ளனர். குறித்த இளைஞர்கள் இருவரும் கைது செய்யப்பட்டு விளக்கமறியலில் வைக்கப்பட்டுள்ளார்கள்.