மினிவான்-துவிச்சக்கரவண்டி மோதி ஒருவர் பலி.

யாழ்ப்பாணம் அரியாலை பகுதியில் இடம்பெற்ற மினிவான்- துவிச்சக்கரவண்டி விபத்தில் வயோதிபர் ஒருவர் பலியாகியுள்ளார். இச்சம்பவத்தில் கொழும்புத் துறையைச் சேர்ந்த வல்லிபுரம் முருகேசு (வயது-72) என்பவரே பலியானவராவார். நேற்றுத் திங்கட்கிழமை காலை கொடிகாமத்தில் இருந்து பயணிகளை ஏற்றிக்கொண்டு வந்த தனியார் போக்குவரத்து பஸ் வணடியும் துவிச்சக்கர வண்டியும் நேருக்கு நேர் மோதியதில் துவிச்சக்கர வண்டியில் சென்றவர் படுகாயமடைந்த நிலையில் யாழ். போதனா வைத்தியசாலையில் அனுமதிக்கப்பட்டார். எனினும் சிகிச்சை பலனின்றி அவர் மரணமடைந்துள்ளார். விசாரணைகளை மேற்கொண்டுவரும் யாழ். பொலிஸார் சாரதியை கைதுசெய்துள்ளனர்.