தண்ணிமுறிப்பு மோதலில் புலிகளுக்கு பாரிய இழப்பு.

வன்னியில் பல பிரதேசங்களில் பாதுகாப்புப் படையினருக்கும், புலிகள் இயக்கத்தினருக்குமிடையில் நேற்று முந்தினம் கடும் மோதல்கள் இடம்பெற்றதாக தேசிய பாதுகாப்பிற்கான ஊடக மத்திய நிலையப் பேச்சாளர் ஒருவர் நேற்றுத் தெரிவித்துள்ளார். இம்மோதல்களின் போது புலிகள் இயக்கத்தினருக்குப் பாரிய இழப்புக்கள் ஏற்பட்டிருப்பதாகவும் அவர் கூறினார். இது தொடர்பாக அவர் மேலும் கூறுகையில், முல்லைத்தீவின் மாங்குளம், தண்ணிமுறிப்புகுளம், ஆண்டான்குளம், ஒட்டியான்மலை ஆகிய பிரதேசங்களிலும் வவுனியாவின் முள்ளிமுறிப்பு பிரதேசங்களிலும் கிளிநொச்சி வல்லவராயன் கண்டு, வன்னேரிக்குளம், பிரதேசத்திலும் இம்மோதல்கள் இடம்பெற்றுள்ளன. வவுனியா குஞ்சுகுளம் பிரதேசத்தில் பாதுகாப்புப் படையினர் மேற்கொண்ட தேடுதல்களின் போது ஒரு கைக்குண்டு, ரி-56 ரக துப்பாக்கி ரவைகள் 154, 5 மகசின்கள் ஆகியவற்றையும் மீட்டெடுத்துள்ளனர். அம்பாறை பக்மிட்டியாவ பிரதேசத்தில் மேற்கொண்ட தேடுதலின் போது புலிகளின் தாயாரிப்பிலான 81. மி.மீ மோட்டார் குண்டொன்றையும் படையினர் மீட்டுள்ளனர் என்றும் தெரிவித்தார்.