முன்னாள் பிரதேசசபை உறுப்பினரும் மற்றொருவரும் புத்தளத்தில் கடத்தல்.

புத்தளம் பகுதியில் வெள்ளை வானில் வந்த இனந்தெரியாத நபர்களால் ஐக்கிய தேசியக் கட்சி முன்னாள் பிரதேசசபை உறுப்பினரும் இன்னொரு தமிழரும் கடத்திச் செல்லப்பட்டுள்ளனர். முந்தல் உடப்பு ஆண்டிமுனைப் பகுதியில் நேற்று முன்தினம் இரவு7 மணியளவில் ஐக்கிய தேசியக் கட்சியின் முன்னால் பிரதேசசபை உறுப்பினரான கே. மகாலிங்கம் என்பவர் கடத்திச் செல்லப்பட்டுள்ளார். குறித்த நபர் வீட்டில் இருந்த சமயம் ஆயுதம் தாங்கிய கும்பல் ஒன்று அவரைக் கடத்திச் சென்றுள்ளதாக அவரது உறவினர்கள் முந்தல் பொலிஸ் நிலையத்தில் முறைப்பாடு செய்துள்ளனர். அதேவேளை நேற்றுக் காலை 7.30 மணியளவில் சுப்பிரமணியம் கணேசன் வயது 40. என்பவருடைய வீட்டிற்கு வந்த இனம் தெரியாத ஆயுததாரிகள் அவரைக் கடத்திச் சென்றுள்ளனர் எனவும் முந்தல் பொலிஸாரிடம் முறைப்பாடு செய்யப்பட்டுள்ளதாக தெரிவிக்கப்பட்டுள்ளது. இவ்விரு கடத்தல் சம்பவங்கள் குறித்தும் பொலிஸார் விசாரணைகளை மேற்கொண்டு வருகின்றன.