கல்வி சாரா ஊழியர் நாளை ஆர்பாட்டம்.

நாட்டின் கல்வியியல் கல்லூரிகள் மற்றும் உயர் கல்வி நிறுவனங்களில் பணியாற்றும் கல்விசாரா ஊழியர்களின் பதவி உயர்வுகள் மற்றும் தரமாற்றம் உள்ளிட்ட பல கோரிக்கைகளுக்கான தீர்வை வலியுறுத்தி நாடளாவிய ரீதியில் நாளை 10ஆம் திகதி ஆர்ப்பாட்டங்கள் நடத்தப்படவுள்ளன. மேற்படி கவனயீர்ப்பு போராட்டம் கல்வியியல் கல்லூரிகள் ஆசிரியர் பயிற்சிக் கலாசாலைகள் தேசிய மற்றும் மாகாண பாடசாலைகள் ஆகியவற்றின் நுழை வாயில்களில் நண்பகல் 12மணியளவில் நடைபெறும். கடந்த 35 வருடங்களாக கல்வி சாரா ஊழியர்களின் பதவி உயர்வுகள் உள்ளிட்ட பல கோரிக்கைகள் புறக்கணிக்கப்பட்டு வருவதாகவும் அதேவேளை புதிய நியமனங்கள் வழங்கப்பட்டு வருவதாகவும் இலங்கை கல்விசாரா ஊழியர்களின் ஒன்றியம் தெரிவித்துள்ளது. இவ்வாறான போராட்டாம் பத்தனை சிறிபாத கல்லூரியிலும் அன்றைய தினம் நடைபெறவுள்ளது.