காப்பாற்றியவரையே அடித்துக் கொன்ற யானை.

வயல் கிணற்றில் விழுந்த யானையையும் அதன் குட்டியையும் காப்பாற்றியவர்களில் ஒருவரை அந்த யானை அடித்துகொன்ற சம்பவம் வியாழக்கிழமை கெக்கிராவ மொறகாகொலவில் இடம்பெற்றுள்ளது. இந்த யானையும் குட்டியும் கிணற்றில் விழுந்து பரிதவிப்பதைக் கண்ட அவ்வூர் மக்கள் பொலிஸார் மற்றும் விவசாய அதிகாரிகளின் உதவியுடன் அவற்றைக் கிணற்றில் இருந்து மீட்டடுத்தனர். வெளியே வந்த யானை திடீரென அவர்களைத் துரத்தியதும் எல்லோரும் நாலாபுறமும் தப்பியோடினர். ஆனால் அவர்களில் ஒருவரை அந்த யானை துரத்தி பிடித்து தூக்கியெறிந்து காலால் மிதித்து கொன்றது இச்சம்பவத்தையடுத்து ஆத்திரமடைந்த மக்கள் அங்கு காணப்பட்ட பொலிஸாரையும் விவசாயப்பகுதி அதிகாரிகளையும் தாக்கினார்கள் எனத் தெரியவருகின்றது. யானை மிதித்தவரை ஆஸ்பத்திரிக்கு கொண்டு சென்றவர்களில் சிலரை பொலிஸார் கைது செய்துள்ளனர்.