திபெத்தில் பாரிய பூமியதிர்ச்சிகள் 30 பேர் பலி! பலர் காயம்.

திபெத்தின் இமாலய பிராந்தியப் பகுதியில் நேற்று முன்தினம் திங்கட் கிழமை இடம் பெற்ற இரு பூமியதிர்ச்சி சம்பவங்களில் குறைந்தது 30 பேர் பலியாகியுள்ளதுடன் பலர் காயமடைந்துள்ளனர். திபெத்தின் தலைநகரிலிருந்து சுமார் 50 கிலோ மீற்றர் தொலைவிலேயே மேற்படி பூமியதிர்ச்சி இடம்பெற்றுள்ளது. முதலாவது பூமியதிர்ச்சி 6.6 ரிச்டர் அளவிலும் இரண்டாவது பூமியதிர்ச்சி 5.1 ரிச்டர் அளவிலும் ஏற்பட்டதாக பதிவாகியுள்ளது. டாம்ஸீங் கிராமத்திற்கு அண்மையில் அமைந்துள்ள சுமார் 200 வீடுகள் இப் பூமியதிர்ச்சியால் சேதமடைந்துள்ளதாக தெரிவிக்கப்படுகிறது. இப் பூமியதிர்ச்சியால் பாதிக்கப்பட்ட பிரதேசத்தின் சனத்தொகை சுமார் 42,000 ஆகும் அவர்களில் அநேகர் இடையர்களாவர்.